In Scotia, le ultime declarationes del ex prime ministra de Scotia Nicola Sturgeon concernente su ex marito, Peter Murrell, attraheva l’attention del medios.
Sturgeon diceva que illa non parla con Murrell e non intende visitar le in prison. Murrell executa actualmente un sententia de cinque annos de incarceration, post haber se declarate culpabile de haber appropriate plus de £400,000 del fundos del Scottish National Party.
Sturgeon affirma que durante annos illa non cognosceva le complete extension de su actiones e que Murrell la induceva in error usque al momento de su confession de culpabilitate. Le ex prime ministra de Scotia sublineava etiam que illa continua a affrontar le consequentias del affaire pro se e pro su familia.
L’affaire remane un grave colpo al imagine del SNP e continua a influentiar le debatto super le responsabilitate politic e l’administration del partito.
